நீங்களும் விஸ்வரூபம் எடுக்கலாம் - பணம் சம்பாதிப்பதில்

வணக்கம் 

கமலின் விஸ்வரூபம் ஒரு வழியாய் வந்துவிட்டது . படம் எப்படியோ எனக்குத் தெரியவில்லை .எப்படி இருந்தாலும் பார்க்கத்தான் போகிறேன்,போகிறோம். இணையத்தில் படம் வெளி வர எத்தனை முயற்சிகள் நடந்து கொண்டிருந்தாலும் , அதனை தடுக்கவும் கமலின் தரப்பில் முயற்சித்து வருவதாக செய்திகள் வந்துகொண்டிருகின்றன.

 கமல் கலை ஆர்வத்தில் முயற்சிகள் செய்யும் பொழுது அது கடைகோடி மனிதனுக்கு சேர்கிறதோ இல்லையோ கலை ஆர்வம் உள்ள அனைவருக்கும் சேர்ந்து விடுகிறது.இது நாள் வரை அவர் பணம் சம்பாதிக்கும் நிலையில் புதிய உத்திகளை முயற்சித்ததில்லை.புதுமையை நிகழ்த்தப் போக , அது பலருக்கு ஜீரணிக்க முடியவில்லை.இனி வாழ்வில் அவர் மீண்டும் கலை பற்றிய நினைப்பில் இருக்க வாய்ப்பு உண்டு. 

விஸ்வரூபம் இரண்டாம் பாகம் வரப்போவதாகவும் செய்தி . அதுவும் வெற்றி பெற வாழ்த்துக்கள் . பதிவின் தலைப்பிற்கும் இந்த செய்திக்கும் என்ன சம்மந்தம் என நினைக்கும் அல்லது பணம் சம்பாதிக்கும் ஆர்வத்தில் இருக்கும் நண்பர்களுக்கும் ஒரு குபேர மந்திரத்தை சொல்லிகுடுக்கப் போகிறேன் . விளைவு ; முதலில் அந்த வித்தை 

நடு விரலையும் ஆள்கட்டி விரலையும் ஒன்றாக சேர்த்துகொண்டு கட்டை விரலோடு இணைத்து  .. மோதிர விரலையும் சுண்டு விரலை யும் உள்ளங்கையில் படுமாறு மடித்துக்கொள்ளுங்கள் எந்த விரலையும் அழுத்தக்கூடாது.. லேசாக வைத்துக்கொள்ளுங்கள்.. இரண்டு கைகளிலும்.... சுமார் முக்கால் மணிநேரம் தினமும் செய்யுங்கள்..... பணம் கொட்டுமாம்.. அதோடு எது நினைக்கிறோமோ அதெல்லாம் நடக்குமாம்...இதுக்கு குபேர முத்திரைன்னு பேரு

செய்து பார்த்து எவருக்காவது பணம் சேர்ந்தால் என் வங்கிகணக்கில் பணம் போடலாம் ? 

மீண்டும் சிந்திப்போம் 

அவனி சிவா