எதையும் பிளான் பண்ணி பண்ணனும்

 வேலை முடித்து வீடு திரும்பும் வழியில் ,விரலில் அடிபட்டுக் காயமடைந்த ஒருவர் எங்காவது மருத்துவ உதவி கிடைக்குமா என்று இன்னொருவருடன் விசாரித்தார்.அந்த நபர் கைக் காட்டிய ஒரு கட்டிடத்துக்குள் நுழைந்தார். உடலுக்கு - மனதிற்கு என்ற அறிவிப்புடன் இரண்டு கதவுகள் இருந்தன.உடலுக்கு என்கிற கதவினை திறந்துக் கொண்டு நுழைந்தார்.அங்கு எலும்பு - தசை என்று அறிவித்த இரண்டு கதவுகளில் தசையை திறந்துக் கொண்டு உள்ளே போனார். 

அங்கும் இரண்டு கதவுகள் ,அறுவை சிகிச்சை - தெரபி என்று அறிவித்தன.அறுவைசிகிச்சை கதவைத் திறந்தார்.உள்ளே புகுந்தார்.மேஜர் -மைனர் என்று பளிச்சிட்ட இரண்டு கதவுகள் அவரை அன்புடன் வரவேற்றன.மைனர் திறந்து உள்ளே சில அடி தூரம் சென்றார்...கட்டிடத்தின் வெளியே வந்துவிட்டார்.

உள்ளே உங்களுக்கு தேவையான உதவி கிடைச்சுதா என்று யாரோ கேட்டார்கள்.

உதவி கிடைக்கலே ,ஆனா இவ்வளவு கச்சிதமா பிரமாதமான ஒழுங்கு முறையோடு இருக்கும் ஒரு இடத்தை நான் இதுவரைக்கும் பார்த்ததே இல்லை என்று அதியசயப்பட்டார்.

மீண்டும் சிந்திப்போம்

அவனி சிவா