சோற்றில் பூசணிக்காயை மறைக்க முடியும் - அரசியல்வாதிகள் கவனத்திற்கு

வணக்கம்

 மிக நீண்ட இடைவெளிக்குப் பிறகு மீண்டும் பதிவிடுகிறேன்.( எழுதாம இருந்ததே நல்ல இருந்துச்சு. உங்க மைண்ட் வாய்ஸ் கேக்குது ) நானும் பதிவு போடம இருந்தா யாரு நாட்டை காப்பாத்துவா.மறுபடியும் எழுத ஆரம்பித்தால் , எப்போதும் போல் மொக்கை பத்தி மொக்கையாய் ஒரு பதிவு போடலாம் என எண்ணினேன்.மொக்கை பத்தி யோசிக்கவே நெறைய ஹோம் வொர்க் செய்யணும் போல . (  ஹோம் வொர்க் என்றால் எதையாவது , எங்கயாவது சுடுவது ) அது இப்போ முடியல்ல , சீக்கிரம் அதுக்கு திரும்பிறேன்.

இப்போ பதிவின் உள்ளே போகலாம்.

முழு பூசணிக்காயை சோற்றில் மறைத்த மாதிரி , என்று ஒரு பழமொழி அல்லது சொல் வாடை ஒன்று உள்ளது . அது எப்படி என நானும் யோசித்ததுண்டு . அப்படியே விட்ருவேன் எப்போதும் போல். சென்றவாரம் மகனின் பள்ளிக்கு சென்றேன் . அங்கு ஒருவர் மேடையில் இதற்கான காரணத்தை கூறினார் . சும்மா சொல்லக்கூடாது முன்னோர்கள் முன்னோர்கள் தான்.

ஒரு கிராமத்தில் ஒரு பையன் வேலை காரணமாக நகரத்திற்கு சென்று சில வருடங்களுக்குப் பிறகு திரும்பினான்.ஊரில் வந்து இறங்கியதும் , அவனைப் பார்த்து ,  அவர்களுக்குள் பேசிக் கொண்டார்கள் .

அவன பாரு , யாருன்னு தெரியுதா ?

யாரு ?

தோப்புல பூசணிக்காய் திருடுன கந்தசாமி மகன்.

மகனும் அவர் தந்தையிடம் சென்று விளக்கம் கேட்டான்.அவரும் ஆமா தம்பி நீ ஊருக்கு போன சமயம் , தோப்பில் பூசணிக்காய் திருடுனேன் , அதன் அப்படி பேசிக்கிறாங்க .நீ அடுத்த முறை வரும் போது இந்த மாதிரி பேச்சு இருக்காது போய்  வா என்றார்.மகனும் கிளம்பி மீண்டும் சில வருடத்திற்குப் பிறகு மீண்டும் வந்தான். இந்த முறையும் அவனை  பார்த்து ஊரில் உள்ளவர்கள் பேசிக்கொண்டனர் .

அவன பாரு , யாருன்னு தெரியுதா ?

யாரு ?

நமக்கு எல்லாம் சோறு போட்டாரே , அவரோட புள்ள.

அவனுக்கு ஒன்று புரியவில்லை.தந்தையிடம் சென்று கேட்டான்.

அது ஒன்னும் இல்ல தம்பி .நீ போன முறை வந்த போது நான் பூசணிக்கா திருடுனேன்.அதுனால அப்படி பேசினாங்க . நீ போன பிறகு நான் இந்த ஊரில் இல்லாதவங்களுக்கு சோறு போட்டேன் , அவங்க இப்ப இப்பிடி பேசுறாங்க. இப்படிதான் நான் சோத்துல பூசணியை மறைச்சேன் என்றார்.

நீதி : முன்ன எப்படி இருந்திருந்தாலும் , நாம நம்முடைய நடவடிக்கை மாத்திகிட்டா நம்முடைய கேட்ட பேரு போயி நல்ல பேரு கிடைக்கும்.

மீண்டும் சிந்திப்போம் 

அவனி சிவா