வணக்கம்
நம்ம தமிழ்நாட்டு மக்கள் எல்லாருக்கும் , எல்லா வயதினருக்கும் ஒரு ஒற்றுமை இருக்குன்னு நினைக்கிறேன்.வயது வாரியா சில ஒற்றுமை பார்ப்போம் .பிறகு அரசின் வேண்டுகோளை வைப்போம்.இது இப்போ உள்ள மக்களின் அடிப்படையில் .
குழந்தைகள் - இவங்களுக்கு யாரு சொல்லிக்கொடுக்கிறார்கள் என்பது தெரியவில்லை .அது எப்படி எல்லாரும் டாம் & ஜெர்ரி பார்த்க்கிட்டு இருந்தாங்க , பின்பு டோராவுக்கு மாறினாங்க .இப்போ நிஞ்சா ஹட்டரிக்கு.என்ன மாயம் என்பதே புரியவில்லை.அது எப்படி எல்லா குழந்தைகளுக்கும் ஒரே வேவ் லென்த் .
வாலிபப்பசங்க - அந்தக் காலத்தில் இருந்து இந்தக்காலம் வரை இவர்களும் ஒரே மனநிலையில் . சினிமாவை மட்டும் எடுத்துக் கொள்வோம்.குஷ்பு பிடிச்சா எல்லாருக்கும் பிடிச்சது.பிறகு சிம்ரனை , இப்போ ஹன்சிகா .
வீட்டுப் பெண்கள் - மாமியாரை போட்டு தாக்குறது , மருமகளை அடிச்சு நொருக்கிறது , ஆண்கள் எல்லாம் பாவாமாய் சித்தரிப்பது.இப்படி என்ன
கருமாந்திர கதையை எடுத்தாலும் ,அது எல்லா பெண்களுக்கும் பிடிக்கிறது.
பொதுவா - அஞ்சி வருசத்துக்கு ஒரு முறை நமக்கு ஒரு வாய்ப்பு குடுப்பாங்க , நாம நல்லா இருக்கிறதுக்கு .அப்போயும் பாரபட்சம் இல்லாமா ஒரேடியா ,ஒரே ஆட்கள கொண்டு வந்து நாசமா போறது.
இப்போ அரசுக்கு வேண்டுகோள்- இந்த டாஸ்மாக் கடைய காலை 10 மணிக்கு ஆரம்பிச்சு இரவு 10 மணி வரை குடிமகன்களுக்கு ஊத்திகுடுக்குது . நான் என்னுடைய வீட்டிலுருந்து அலுவலகம் வரும் வரை இருக்கும் டாஸ்மாக் கடைகள் மொத்தம் 12 இருக்கு ( மெயின் ரோட்டில் உள்ளது மட்டும் ) அதில் சுமார் எட்டுகக்கடைகளில் காலை 6 மணிக்கு போனாலும் பார் கதவை ஒரு மாதிரியா தொறந்து அருமையா வியாபாரம் நடக்குது.அதே போல் இரவு 10 மணிக்குப் பிறகும் நடக்குது . இன்னைக்கு மட்டும் இல்ல நாள் தோறும் நடக்கின்ற நிகழ்வு . இது போக மூன்று பெட்டிக் கடைகளிலும் சரக்கு கிடைக்கின்றன .
ஆகவே , அரசு கவனத்தில் கொண்டு பொது மக்களை காப்பாற்ற முழுவதுமாய் மூடிவிடுவது நல்லது.அதற்கு எல்லாம் சான்சே இல்லை எனும் பட்சத்தில் காலை 6 மணிக்கு திறந்து 12 மணி வரை திறந்து வைத்தால் . அடுத்த தேர்தலின் போது வாசிங் மிசின்,DVD , வாக்குவம் கிளீனர், இது போல் அணைத்து வீட்டு உபயோகப் பொருட்கள் வாங்க ஏதுவா இருக்கும்.
இதுல என்ன ஒற்றுமை என்னன்னா இது எல்லா ஊரிலும் நடக்கும் என நம்புகிறேன்.
மீண்டும் சிந்திப்போம்
அவனி சிவா
எங்க ஊருலயும்தான்!!
ReplyDelete