கணக்கு விளையாட்டு -கணக்குபுலி எல்லாம் வாங்க 2

வணக்கம்

மிக நீண்ட நாட்களுக்குபிறகு மீண்டும் இன்று பதிவு இடுகிறேன்.மறுபடியுமா என்று அலற வேண்டாம்.விதி யாரை விட்டது.மேற்கண்ட தலைப்பில் கணித விளையாட்டிற்கு நல்ல வரவேற்பு வந்ததின் விளைவு மீண்டும் கணக்கு விளையாட்டு ( இதுக்கும் வரவேற்பு வருமா ) வந்தாலும் சரி , வராமல் போனாலும் , வாங்க நம்ம கணித விளையாட்டுக்கு போகலாம்.


1 ,கந்தசாமிக்கு நான்கு குழைந்தைகள்,மணி,சீதா, செல்வி,முத்து என்பன அவர்கள் பெயர்கள்.மணி மற்றும் சீதாவின் எடை 25 கிலோ , செல்வி மற்றும் முத்துவின் எடை 50 கிலோ சரியா. ஒரு முறை அவர்கள் ஒரு ஆற்றை கடக்க வேண்டி இருந்தது.ஆழமான ஆறு .எனவே நடந்து போக முடியாது.கரையில் படகு ஒன்று இருந்தது.ஆனால் படகோட்டி கிடையாது . நால்வருக்கும் படகு விட தெரியும்.ஆனால் ஒன்றாகப் போக முடியாது.ஏனெனில் அந்தப் படகு 50 கிலோ எடைக்கு மேல் கொள்ளாது.நால்வரும் எப்படி ஆற்றை கடப்பார்கள் .




 2 , பஞ்சு,பிஞ்சு,அஞ்சு,மஞ்சு நால்வரும் ஒரு நாள் வட்டமான மைதானத்தை சுற்றி நடக்கும் போட்டியில் கலந்துக் கொண்டார்கள்.மைதானத்தின் சுற்றளவு ஒரு மைல்.


மஞ்சு நடக்கும் வேகம் மணிக்கு 5  மைல்
பஞ்சு நடக்கும் வேகம் மணிக்கு  4  மைல்
அஞ்சு நடக்கும் வேகம் மணிக்கு 3  மைல்
பிஞ்சு நடக்கும் வேகம் மணிக்கு 2  மைல்



மாலை நான்கு மணிக்கு ஒரு குறிப்பிட்ட இடத்தில் இருந்து நால்வரும் புறப்படுகிறார்கள்.நடந்துக் கொண்டே இருக்கிறார்கள் . மீண்டும் அந்த இடத்துக்கு அவர்கள் எப்போது ஒன்றாக வந்து சேர்வார்கள்.


 3 , மூன்று மயிலை மாடுகளும் நான்கு செவலை மாடுகளும் ஐந்து நாட்களில் கறக்கும் பால் - மூன்று செவலை மாடுகளும் ஐந்து மயிலை மாடுகளும் நான்கு நாட்களில் கறக்கும் பாலுக்குச் சமம்.

அதிகம் பால் கறப்பது எது - செவலை மாடா அல்லது மயிலை மாடா 


பதில்களை பின்னூட்டம் இடுங்கள் .அல்லது என்னுடைய  மின் அஞ்சலுக்கு அனுப்புங்கள்.என்னுடைய மின் அஞ்சல் முகவரி - cvashree@gmail.com    

மீண்டும் சிந்திப்போம்
அவனி சிவா