வாழ்வின் இறுதி வரை வரும் வாழைப்பழம்

வணக்கம் 

நான் உசிரோடு இருக்கும் வரை உன்னை விட்டு பிரிய மாட்டேன். உன்னோடவே வருவேன் இந்த மாதிரி வசனத்தை அல்லது வாக்கியத்தை நாம் நாடங்களிலும், திரைப்படங்களிலும், கதைகளிலும் படித்தும் , சில நேரங்களில் நம்முடைய வாழ்விலும் கேட்டிருப்போம் , நாம் கூட யாரைப் பார்த்தாவது சொல்லி இருப்போம் . 

யோசித்துப் பார்த்தால் அது இடையில் வந்து இடையிலேயே போயிருக்கும் . நான் எல்லாம் அப்படி இல்ல , எனக்கு யாரும் இப்படி சொல்லி மறந்ததில்ல , என்றால் நீங்கள் கண்டிப்பாய் கொடுத்து வைத்தவர்கள் . 

வாழைபழம் இந்தப் பழம் நம் வாழ்வில் தொடக்கத்தில் இருந்து தொலைதூரம் போகும் வரை நம்முடன்  இணைந்து வந்துக் கொண்டிருக்கிறது. நம்மை பலமாக வைத்துக் கொண்டிருக்கிறது. யோசித்துப் பாருங்கள் 

1. நாம் பிறந்தவுடன் , நமக்கு ஒரு குழந்தை பிறந்தவுடன் மலை வாழைப்பழம் கொடுக்கின்றோம் , நமக்கும் கொடுக்கப் பட்டிருக்கும்.

2. சிறிது காலம் வளர்ந்த பின்னரும் , குடும்பம் பொருளாதார வளர்ச்சி அடைந்திருந்தாலும் , அடையாமல் இருந்தாலும் பசிக்கு இவரே துணைக்கு வந்துக் கொண்டிருக்கிறார்.

3. படித்து அல்லது படிக்காமல் போனாலும் தூசி மிகுந்த இடத்தில நாம் இருந்தால் மறு நாள் நாம் ஸ்ஸ்ஸ் அப்பாடா என நம் கழிவுகளை வெளியேற்றவும் துணை புரிகிறது .

4 . நோய் வாய்ப்பட்டு நாம் இருக்கும் போது  பொதுவாய் மருத்துவர்கள்  எப்பேர்பட்ட நோயாளியாய் இருந்தாலும் இதனையே உணவாகவும் , உணவுக்கு மாற்றாகவும் கொடுக்க சொல்லி கொண்டிருக்கிறார்கள் 

5 . உடல் ஆரோக்கியதிற்கு துணை நிற்கும் அதே வேலையில் , நீங்கள் கோவிலுக்கு சென்றாலும் , வீடுகளில் ஏதேனும் கடவுளை வழிபட்டாலும் தட்டு நிறைய பழங்கள் தேவையில்லை . இரண்டு வாழைபழம் போதும் , நமக்கும் நிம்மதி கடவுளுக்கும்.

6 . ஒருவருடத்திற்கும் மேலாக ஓடிய கரகாட்டக்காரன் திரைப்படம் ஓடிய சில காரணங்களில் வாழப்பழ காமெடியும் ஒன்று.

7 . ஒரு வழியாய் நாம் இறந்து போய்விடுகிறோம் ( அப்பாடா ) தலைக்கு மேல் முதலில் வைப்பது இரண்டு வாழைப்பழம் தான் .

இப்படி ஏராள காரணங்கள் உண்டு யோசித்து பதிவு போடும் வேலையில் சில மறந்துப் போயின . உங்களுக்கு தோன்றினால் தாராளமாய் கருத்துகளில் போடுங்கள் .

ஒரு பொது அறிவிற்கு ( எனக்குத் தான் ) 

வாழைப்பழம் எத்தனை வகைப்படும் ?

1 . செவ்வாழை 

2 . ரஸ்தாளி 

3 . மலை வாழைப்பழம் 

4 . கற்பூர வள்ளி 

5 . பச்சை வாழைப்பழம் 

6 . நேந்திரன் வாழைபழம் 

7 . பூவன் 

நினைவிற்கு வந்தது இவ்வளவு தான். 

இறுதியாய் 

 

மீண்டும் சிந்திப்போம் 

அவனி சிவா