பவர் ஸ்டார் இடத்தை பிடிப்பாரா டாக்டர் சரவணன்

வணக்கம்

கூட்டம் தானா சேர்ந்த கூட்டமா , இல்ல சேர்த்த கூட்டமா என்பது அவர்கள் செய்யும் செலவைப் பொறுத்ததே என்று அடிச்சு சொன்னவர் லத்திகா சீனிவாசன்.


மதுரையில் அவருடைய லத்திகா வெற்றி விழா நிகழ்ச்சியை பார்த்து தெரிந்துக் கொண்டேன் . நீயா ? நானா ? நிகழ்ச்சியில் கலந்துக் கொண்டு கோபிநாத்தை ஒரு கை பார்த்து உலகமெங்கும் புகழ் பெற்று , இன்று ஷங்கரின் படத்தில் நடிக்கும் அளவு தன்னை உயர்திகொண்டது வரலாறு .


 பவர் ஸ்டாரை தொடர்ந்து மதுரையிலிருந்து புறப்பட்டிருக்கும் மற்றும் ஒரு நடிகர் டாக்டர் சரவணன் . அஞ்சா நெஞ்சரின் காலத்தில் பிரபலமடைந்து மக்களின் மருத்துவராக பரினாமித்து உள்ளூர் சானல் நடத்தி மதுரையில் பவர் ஸ்டாராக வலம் வருபவர்.


அஞ்சா நெஞ்சரின் காலத்தில் இளமை ஊஞ்சலாடுகிறது என்கிற பெயரில் படம் எடுத்து இன்று வரை படம் வெளி வராதது யாருடைய துரதிர்ஷ்டம் என்று தெரியவில்லை . ( தப்பிச்சோம் அப்படின்னு நெனச்சுராதிங்க ) அவர் அன்றே வந்திருந்தால் ஒன்று ரித்திஷ் போல் எம் பி ஆகியிருக்காலாம் அல்லது பவர் ஸ்டார் ஆகியிருக்கலாம் .


விட்டேனா பார் என்று மீண்டும் வருகிறார் டாக்டர் சரவணன் . படத்தின் பெயர் அகிலன்  அதிலும் இரண்டு வேடம் . முன்பு போல் செய்யாமல் இந்த முறை நமீதா முன்னிலையில் பாடல் வெளிவந்துள்ளது . ( கூட உள்ள பிரபலங்கள் படம் பார்த்து தெரிந்து கொள்க )

படம் வெற்றி பெற பவர் ஸ்டார் ரசிகர் ( கள் ) சார்பாக வாழ்த்துவோம்.

மீண்டும் சிந்திப்போம்
அவனி சிவா