கலைஞர் கருணாநிதியின் தலை - ஆஸ்திரிய நாட்டில் பரபரபப்பு

வணக்கம் 

இந்தச் செய்தி எந்தளவுக்கு உண்மையோ.ஆஸ்திரிய நாட்டு மக்களுக்கும் , தி மு க தோழர்களுக்குத் தான் தெரியும்.ஆஸ்திரிய நாட்டில் கருணாநிதியின் தபால் தலை வெளியிடப்பட்டது என செய்தி வெளியாகி இருந்தது.மகிழ்ச்சியாய் தான் இருந்தது,அது இன்று காலை தினமலர் நாளிதழை படிக்கும் வரை . செய்தியின் தலைப்பு இதோ.

கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு.

 பதிவுலகிலும்,பேஸ்புக் பக்கத்திலும் அம்மாவை விமர்சிப்பதைக் காட்டிலும் அய்யாவை  விமர்சிப்பவர்கள் அதிகம். (அது என்ன மாயமோ , பயமோ தெரியவில்லை  அம்மாவை விமர்சனம் செய்தின் காரணம்.)

நான் படித்த செய்தி இதோ .

தி.மு.க., தலைவர் கருணாநிதிக்கு, ஆஸ்திரியா நாட்டில் வெளியிடப்பட்ட அஞ்சல் தலை, பணம் செலுத்தி, கோரிக்கையின் பேரில் பெறப்பட்ட அஞ்சல் தலை என, "பேஸ்புக்' பதிவர்கள் அம்பலப்படுத்தி உள்ளனர். இதனால், "பேஸ்புக்'கில் தி.மு.க.,வினர் கடுமையான கேலிக்கு உள்ளாகி வருகின்றனர்.

ஆஸ்திரிய நாட்டில் வாழும் தி.மு.க., ஆதரவாளரின் முயற்சியால், அந்நாட்டு தபால் துறை, தி.மு.க., தலைவர் கருணாநிதியின் படம் கொண்ட அஞ்சல் தலையை வெளியிட்டுள்ளது. இந்த அஞ்சல் தலை, கருணாநிதியின் படம், வயது மற்றும் தி.மு.க., கொடியுடன் வடிவமைக்கப்பட்டுள்ளது. இதை ஆஸ்திரியாவின் உள்ளூர், வெளிநாட்டு அஞ்சல்களில் பயன்படுத்த முடியும்.

இதுகுறித்து, நேற்று "பேஸ்புக்'கில் கருணாநிதி கூறுகையில், "என்னுடைய தமிழ்ப் பணி - சமுதாயப் பணியை பாராட்டி, ஆஸ்திரிய நாடு கடந்த ஜூன் 3ம் தேதி அன்று வெளியிட்ட, "கலைஞர் 90' என்ற அஞ்சல் தலையை பெற்ற போது' என, புகைப்படம் ஒன்றை பதிவு செய்துள்ளார்.

இதுகுறித்து, "பேஸ்புக்' பதிவர்கள் "பேஸ்புக்'கில் கூறியிருப்பதாவது:பிரான்ஸ் மற்றும் ஆஸ்திரியாவில் பணம் செலுத்தினால் யாருடைய அஞ்சல் தலையையும் வெளியிட முடியும். குழந்தைகளின் படத்தை கூட, அஞ்சல் தலையில் வெளிடலாம். நம் நாட்டிலும் கடந்த மே மாதம் முதல், இந்த வசதி துவக்கப்பட்டுள்ளது.சென்னை தபால் நிலையத்தில், 300 ரூபாய் செலுத்தினால், அரசியல் மற்றும் மதம் சாராத யாருடைய, தபால் தலையையும் வெளியிட முடியும். அப்படியிருக்க, ஏதோ கருணாநிதியின் சமுதாய சேவையை பாராட்டி ஆஸ்திரிய அரசே, அஞ்சல் தலை வெளியிட்டதாக, தி.மு.க.,வினரே சொல்லி கொள்கின்றனர்.இவ்வாறு, அவர்கள் தெரிவித்துள்ளனர்.

ஒருவர் ஆஸ்திரிய நாட்டில், தபால் தலை வெளியிட விரும்புவோர், http://www.post.at/en/personal_stamps_philately_products_meine_marke_personalized_stamps.php என்ற இணைய தளத்தை பார்வையிடலாம் என, கூறியுள்ளார்."பேஸ்புக்'கில் கருணாநிதி குறித்த விமர்சனங்கள் குறைந்திருந்த நிலையில், அஞ்சல் தலை விவகாரத்தால், மீண்டும் "பேஸ்புக்' பதிவர்கள் உற்சாகம் அடைந்துள்ளனர்.

விஷயம் அறிந்தவர்கள் தெளிவுப் படித்தினால் நல்லது .

மீண்டும்  சிந்திப்போம்  

அவனி சிவா ,